Keyn İngiltərəyə qayıdır?

"Bavariya"nın ingiltərəli futbolçusu Harri Keyn yenidən Premyer Liqada çıxış edə bilər.

Sportline.az "Fichajes" nəşrinə istinadən xəbər verir ki, "Mançester Yunayted" Keyni transfer etmək üçün hərəkətə keçib.

İngiltərə klubunun rəhbər şəxslərindən olan Sir Jim Ratçliffe əsas hədəfinin Harri Keyn olduğunu söyləyib.

Qeyd edək ki, 31 yaşlı forvard 2023-cü ilin yayında "Tottenhem"dən "Bavariya"ya 95 milyon avro qarşılığında transfer olmuşdu.

O bu mövsüm bütün turnirlər daxil olmaqla çıxış etdiyi 32 oyunda 29 qol və 10 asistlə yadda qalıb.