Luiz Enrike 3 klubdan təklif alıb

"Marsilya"nın brazilyalı futbolçusu Luiz Enrike mövsümün sonunda klubdan ayrılacaq.

Sportline.az "Football İnsider" nəşrinə istinadən xəbər verir ki, Enrike karyerasını İngiltərə Premyer Liqasında davam etdirə bilər.

"Everton", "Nyukasl Yunayted" və "Nottingem Forest" 23 yaşlı futbolçu ilə yaxından maraqlanır.

Qeyd edək ki, Enrike cari mövsüm çıxış etdiyi 26 matçda 9 qol və 6 asistlə yadda qalıb.

Onun "Marsilya" ilə müqaviləsi 2028-ci ilin iyun ayına qədər nəzərdə tutulub.

Luiz Enrikenin hazır ki dəyəri "Transfermarkt" portalına görə 15 milyon avro olaraq qiymətləndirilir.