Mahir Emreli: "Bu qələbəyə ehtiyac var idi"
Millimiz UEFA Millətlər Liqası qrup mərhələsinin son turunun oyununda Bakıda Qazaxıstanı 3:0 hesabı ilə məğlub edib.
Sportline.az xəbər verir ki, oyundan sonra seçmənin hücumçusu Mahir Emreli "CBC Sport" kanalına açıqlama verib:
"Düşünürəm ki, oyun nəzarətimiz altında idi. Hardasa çatışmazlıqlar olurdu. Üstün tərəf biz idik. Rəqib 11 nəfərlə olanda da belə idi, 10 nəfərlə də. "Dinamo"da da zədədən yeni qayıtmışdım və tam optimal formamı bərpa edə bilmirdim.
Xalqımızın hər sahədə qələbəyə ehtiyacı var. Özüm də hazırlaşanda deyirdim ki, məğlub olsaq da, oyuna daxil olanda nəsə etməliyəm. Xalqımızın və şəhidlərimizin buna çox ehtiyacı var idi. Şəhidlər ölməz, vətən bölünməz!"
