Mahir Emreli Sevilyaya yollanır
Xorvatiyanın "Dinamo" klubunun futbolçusu Mahir Emreli "Sevilya"ya qarşı UEFA Avropa Liqasının pley-off mərhələsinin ilk oyunu üçün komanda ilə birlikdə İspaniyaya yollanacaq.
Sportline.az xəbər verir ki, Zaqreb təmsilçisi Sevilya şəhərinə fevralın 15-də yola düşəcək.
25 yaşlı hücumçunun meydana çıxıb-çıxmayacağı hələ dəqiq deyil.
Millimizin hücumçusu "Dinamo"da kollektiv məşqlərə ötən gün qatılıb.
Qeyd edək ki, fevralın 17-də keçiriləcək "Sevilya" - "Dinamo" görüşü Bakı vaxtı ilə saat 00:00-da başlanacaq.
