Mahir Emrelinin komandası mükafatlandırıldı
Millimizin hücumçusu Mahir Emrelinin çıxış etdiyi “Dinamo” Zaqrebdə ilin ən yaxşı kişi komandası seçilib.
Sportline.az klubun rəsmi saytına istinadən xəbər verir ki, Zaqreb Şəhər İdman Assosiasiya komandanı mükafatlandırıb.
Mərasimdə Emreli və komandanın düşərgəsində olan digər futbolçular iştirak ediblər.
Klubun uğurları kimi Xorvatiya çempionluğu, ölkə Superkubokunun qazanılması, 2021/2022 mövsümündə Avropa Liqasının pley-offunda və 2022/2023 mövsümündə Çempionlar Liqasının qrupunda iştirak etmək göstərilib.
Qeyd edək ki, “Dinamo” hazırda Xorvatiya çempionatında 41 xalla turnir cədvəlinin lideridir.
