"Mançester Yunayted"in məşqçilər korpusuna yeni təyinat gerçəkləşib
Rud Van Nisterloy və Rene Xake "Mançester Yunayted"in məşqçilər korpusuna daxil olublar.
Sportline.az xəbər verir ki, bu barədə İngiltərə klubunun rəsmi hesabı məlumat yayıb.
Mütəxəssislərlə müqavilə 2026-cı ilin iyununa qədər imzalanıb.
"Mankunyanlar"ın baş məşqçisi Erik Ten Haq yeni təyinatlar barədə fikirlərini bildirib.
"Şadam ki, Rene və Rude layihəmizə qoşulmağa razı oldular. Onlar komandaya zəngin təcrübə, bilik və yeni təkan gətirəcəklər. İndi məşqçilər korpusunu yeniləmək üçün doğru zamandır, çünki biz ümid edirik ki, son iki ildə əldə olunan nailiyyətləri təkrarlamaqla yanaşı, həm də yeni səviyyəyə yüksələcəyik" deyə niderlandlı çalışdırıcı açıqlama verib.
Qeyd edək ki, Rud Van Nisterloy daha əvvəl PSV, Rene Xake isə "Qo Ehed İqls" komadasına rəhbərlik edib.
