Məşhur futbolçu Avropaya dönmək istəyir

"Real" və "Bavariya"nın sabiq futbolçusu Xames Rodriges yenidən Avropaya dönmək niyyətindədir.

Sportline.az xəbər verir ki, təcrübəli yarımmüdafiəçi "San-Paulu" ilə müqaviləni pozub azad agent statusu almağa hazırlaşır.

Bu haqda jurnalist Fabrisio Romano X sosial şəbəkəsində məlumat paylaşıb.

Qeyd edək ki, kolumbiyalı futbolçu 2023-cü ilin iyulunda Braziliya klubu ilə müqavilə bağlamışdı.

Onun anlaşmasının müddəti 2025-ci ilədəkdir.

Transfermarkt portalında 33 yaşlı Rodrigesin dəyəri 5 milyon avrodur.