Messi "PSJ"dən kənarda qaldı
Lionel Messi PSJ-nin Fransa kubokunun 1/32 finalında bu gün "Şatoru" ilə keçirəcəyi oyunu kənardan izləyəcək.
Sportline.az xəbər verir ki, bunu yerli mətbuata açıqlamasında komandanın baş məşqçisi Kristof Qaltye deyib.
O, Messinin növbəti oyuna hazırlaşdığını bildirib. Messi ilə yanaşı, hücumçular Kilian Mbappe və Neymar, müdafiəçi Əşrəf Hakimi və yarımmüdafiəçi Marko Verratti də bugünkü görüşü buraxacaq.
Son Dünya çempionatının qalibi olan Messinin yanvarın 11-də Liqa 1-in 18-ci turunda "Anje"yə qarşı keçiriləcək oyuna çıxacağı gözlənilir.
