"Milan" Leau ilə yeni müqavilə bağladı
“Milan”portuqaliyalı futbolçu Rafael Leau ilə müqavilənin müddətini uzadıb.
Sportline.az xəbər verir ki, bu barədə “La Gazzetta dello Sport” məlumat yayıb.
23 yaşlı hücumçu ilə 2028-ci ilin yayına qədər yeni sözləşmə imzalanıb.
Futbolçunun maaşı mövsümdə 7 milyon avro olacaq. O, daha 2 milyonu isə bonus şəklində alacaq.
Qeyd edək ki, Leau bu mövsüm A seriyasında meydana çıxdığı 32 oyunda 12 qol və 7 asistlə yadda qalıb.
