Millimiz Avropa çempionatında 9 medal qazanıb
İsrailin Hayfa keçirilən sambo üzrə yeniyetmə, gənclər və böyüklər arasında Avropa çempionatı başa çatıb.
Sporline.az Azərbaycan Sambo Federasiyasına istinadən xəbər verir ki, komandalarımız yarışı 9 medalla başa vurub.
Bunlardan 2-si gümüş və 7-si bürünc medaldır.
Belə ki, gənc samboçularımızdan Sahib Babayev (58 kq), Səməd Şıxıyev (79 kq) və Məhəmməd Məmmədzadə (+98 kq) bürünc, yeniyetmə idmançılarımızdan Elsevər Verdiyev (64 kq) gümüş və Amin İsmayılov (53 kq) bürünc medal qazanıb.
Xatırladaq ki, daha əvvəl böyüklərdən Mirfəttah Seyidəliyev (64 kq) gümüş, Mehman Xəlilov (58 kq), Hacalı Qasımov (71 kq) və Ceyhun Hüseynov (88 kq) isə bürünc medal əldə etmişdilər.
