Millimizin səfər planı açıqlandı
Milli komandamız UEFA Millətlər Liqasında qrup mərhələsinin Monteneqro və Kipr lə oyunlarına tam heyətlə hazırlaşır.
Sportline.az xəbər verir ki, bu barədə "Report"a AFFA-nın Mətbuat və İctimaiyyətlə Əlaqələr Şöbəsinin müdiri Firuz Abdulla məlumat verib.
Qurum rəsmisi bildirib ki, komanda oktyabrın 8-i saat 17:00-da çarter reysi ilə Podqoritsa şəhərinə yola düşəcək. Milli üzvləri Monteneqro ilə oyundan sonra birbaşa Kiprlə qarşılaşma üçün Albaniyaya yollanacaq: "Böyük ehtimalla, Elbasana Podqoritsadan quru nəqliyyatı ilə gedəcəklər. Çünki Monteneqrodan Albaniyaya məsafə yaxındır, 2 saatlıq yoldur".
Qeyd edək ki, Azərbaycan millisi oktyabrın 10-da Monteneqronun qonağı olacaq. Qarşılaşma Bakı vaxtı ilə 17:00-da başlanacaq. Kiprlə Bakıda keçirilməli olan görüş isə bölgədəki vəziyyətlə bağlı Albaniyada baş tutacaq. Elbasan şəhər stadionunda oynanaılacaq matç Bakı vaxtı ilə 20:00-da start götürəcək.
