Moskva klubu "Qarabağ"ın futbolçusunu istəyir
"Qarabağ"ın qapıçısı Andrey Lunyov Moskva "Dinamo"sunun diqqət mərkəzindədir.
Sportline.az xəbər verir ki, paytaxt təmsilçisi yay transfer pəncərəsində bu keçidi reallaşdırmaq niyyətindədir.
Bu haqda championat.com saytı məlumat yayıb.
Mənbənin bildirdiyinə görə, "dinamoçular" qapı xəttini məhz Lunyovla gücləndirməyi planlaşdırırlar.
Qeyd edək ki, 32 yaşlı qolkiper cari mövsümdə keçirdiyi 32 oyunun 10-da qapısını toxunulmaz saxlayıb.
"Qarabağ"la 2024-cü ilin yayınadək müqaviləsi olan futbolçunun "Transfermarkt" portalındakı dəyəri 1 milyon avrodur.
