Murad Musayevdən "Krasnodar" açıqlaması

"Sabah"ın baş məşqçisi Murad Musayev sabiq klubu "Krasnodar"a qayıdacağı ilə bağlı yayılan məlumatlara münasibət bildirib. 

Sportline.az xəbər verir ki, 38 yaşlı mütəxəssis sports.ru-ya açıqlamasında bu məlumatları təkzib edib: 

" Xeyr, bu xəbərlər doğru deyil. Klub çətin vəziyyətə düşüb. "Krasnodar"a gələcəkdə güc və uğurlar arzulayıram". 

Qeyd edək ki, Musayev ötən ilin oktyabr ayından "Sabah"ı çalışdırır. O, 2017 - 2021-ci illərdə "Krasnodar"ın baş məşqçisi olub.