Musa bu mövsüm Premyer Liqada ən çox qol vuran yerli hücumçudur
“Qarabağ”ın hücumçusu Musa Qurbanlı bu mövsüm Misli Premyer Liqasında ən çox qol vuran azərbaycanlı hücumçudur.
Sportline.az xəbər verir ki, 24 yaşlı futbolçu bu gün 29-cu turun “Neftçi”yə qarşı səfər matçında (5:1) dubl edib. O, həmçinin oyunda bir qolun ötürməsini də verib.
Beləliklə, Qurbanlı 2025/26 mövsümü Premyer Liqada qollarının sayını 7-ə çatdırıb (20 oyunda).
Ümumən bu mövsüm Azərbaycan çempionatında ən çox qol vuran yerli oyunçu “Neftçi”nin yarımmüdafiəçisi Emin Mahmudovdur - 9 qol. “Qarabağ”ın müdafiəçisi/yarımmüdafiəçisi Toral Bayramov da M.Qurbanlı kimi 7 dəfə fərqlənib.
