Nicat Şıxəlizadə: "Komandada əhval-ruhiyyə yüksəkdir"
Yeniyetmə cüdoçularımız Avropa kuboku turnirində mübarizə aparacaqlar.
Seçmə komandanın məşqçisi Nicat Şıxəlizadənin Sportline.az-a verdiyi məlumata görə, Xorvatiyanın Zaqreb şəhərində keçiriləcək yarışda 33 cüdoçumuz qüvvəsini sınayacaq: “Bu yarışda etimadı doğruldan idmançılar qarşıdakı dünya və Avropa çempionatlarında iştirak hüququ qazanacaqlar. Komandanın düşərgəsində əhval-ruhiyyə yüksəkdir. Cüdoçular mübarizənin başlamasını səbirsizliklə gözləyirlər”.
Qeyd edək ki, sabah start veriləcək yarışa martın 12-də yekun vurulacaq.
