"Olimpiakos"un futbolçusundan Namik Ələskərova mesaj

"Olimpiakos”un futbolçusu Məhəmməd Kamara "Neftçi”nin yarımmüdafiəçisi Namiq Ələskərovdan üzr istəyib. 

Sportline.az xəbər verir ki, o, fikirlərini "İnstagram” səhifəsi üzərindən bölüşüb.

Kamara "Dünənki hərəkətə görə bağışla, qardaşım. Ümid edirəm hər şey qaydasındadır", - şərhini yazıb.

Qeyd edək ki, "Olimpiakos” – "Neftçi” (1:0) matçının 43-cü dəqiqəsində Kamaranın kobud oyunu nəticəsində Namiq Ələskərov zədələnərək meydanı tərk etmişdi. Üz nahiyəsində və burnunda sınıqlar aşkar edilən 26 yaşlı hücumçu bu gün əməliyyat olunacaq və bir müddət yaşıl meydanlardan uzaq düşəcək.(fanat.az)