Olimpiya çempionumuzun yubileyi qeyd olunub
Azərbaycanın tanınmış həndbolçusu, Olimpiya çempionu Lüdmila Şubinanın 75 yaşı tamam olub.
Sportline.az xəbər verir ki, əlamətdar gün Azərbaycan Həndbol Federasiyası tərəfindən qeyd edilib. Federasiyanın prezidenti, Azərbaycan Avtomobil Yolları Dövlət Agentliyinin İdarə Heyətinin sədri Saleh Məmmədov yubilyara xoş sözlərini çatdırıb, ona fəxri fərman təqdim edərək fəaliyyətində uğurlar arzulayıb.
Qeyd edək ki, Azərbaycan idman tarixində özünəməxsus imzası olan Lüdmila Şubina SSRİ seçməsinin heyətində 1976-cı ildə keçirilən Monreal Olimpiadasının qızıl medalına layiq görülüb. Beynəlxalq dərəcəli idman ustası hazırda “Qarabağ” həndbol klubunun prezidenti kimi fəaliyyət göstərir.
