Paris 2024:Türkiyəli cüdoçu yarımfinalda məğlub oldu

Paris 2024 Olimpiya Oyunlarının ilk günündə yarışan türkiyəli cüdoçu Salih Yıldız finala çıxmaq şansını itirib.

Sportline.az xəbər verir ki, 60 kq çəki dərəcəsində mübarizə aparan Salih Yıldız yarımfinal mərhələsində fransalı Luka Mikeidzeyə qızıl hesabla məğlub olaraq finala yüksələ bilməyib.

Salih 1/8 finalda yamaykalı Eşli Mekkenzini, 1/4 finalda isə gürcüstanlı Giorgi Sardalaşvilini məğlub etmişdi.

Qeyd edək ki, "ay-ulduzlu" idmançı bürünc medal uğrunda görüşdə yaponiyalı Ryuhu Nakahama ilə qarşılaşacaq.