PSJ-dən İsak həmləsi

“Paris Sen-Jermen” “Nyukasl Yunayted”in isveçli futbolçusu Aleksander İsakı transfer etmək niyyətindədir.

Sportline.az “RMC Sport”a istinadən xəbər verir ki, Paris klubu İsak üçün qarşı tərəfə 110 milyon avro ödəməyə hazırdır.

“Nyukasl”ın rəhbərliyi isə İsak üçün ən azı 120 milyon avro tələb edir.

Qeyd edək ki, 25 yaşlı futbolçu cari mövsüm çıxış etdiyi 31 matçda rəqib qapılarından 22 top keçirib.

İsakın “Nyukasl”la müqaviləsi 2028-ci ilin yayına qədərdir.