"Qarabağ" növbəti görüşünə çıxır
Ölkəmizi Çempionlar Liqasında təmsil edəcək “Qarabağ” bu gün növbəti yoxlama oyununu keçirəcək.
Sportline.az xəbər verir ki, Ağdam klubu “Azersun Arena”da "Sabah"la qarşılaşacaq. Matç saat 20:00-da start götürəcək.
Bu komandalar arasında iyulun 25-də Qəbələdə keçirilən görüşdə “Sabah” 2:1 hesablı qələbə qazanıb.
Qeyd edək ki, “Sabah” toplanış çərçivəsində həmçinin “Sumqayıt”a (1:0), "Qarabağ"a (2:1), “Neftçi”yə (5:2), “Qəbələ” (2:0) qalib gəlib. “Qarabağ” isə iki dəfə “Keşlə”ni (3:1, 4:0), bir dəfə də “Neftçi”ni (1:0) məğlub edib.
Xatırladaq ki, yeni mövsümə hazırlaşan klublarımızın yoxlama oyunları koronavirus səbəbindən qapalı keçiriləcək. Sınaq matçlarında iki komandadan başqa digər şəxslər iştirak etməyəcək.
11 avqust
20:00. “Qarabağ” – “Sabah”
“Azersun Arena”