Üzgüçülük üzrə qış çempionatı başa çatdı
Su İdman Sarayında təşkil olunan üzgüçülük növü üzrə Azərbaycan açıq qış çempionatı başa çatıb.
Sportline.az xəbə verir ki, Beynəlxalq Üzgüçülük Federasiyasının, Azərbaycan Respublikası Gənclər və İdman Nazirliyinin, Azərbaycan Üzgüçülük Federasiyasının Nizamnaməsinə və təsdiq olunmuş əsasnaməsinə uyğun olaraq keçirilən birincilikdə Azərbaycanın 15 müxtəlif klub və idman cəmiyyətindən 3-cü idman dərəcəsi olan 140-a yaxın idmançı öz gücünü sınayıb.
Onlar 50, 100, 200, 400, 800 və 1500 metr məsafəyə sərbəst üsullarda, 50,100, 200 metr məsafələrə arxası üstə, brass və batterflay üsullarda mübarizə aparıblar. Azərbaycan Üzgüçülük Federasiyası, Su İdman Sarayı, 1st Fitness, ÜGİM Xətai, Azərbaycan Avropa Məktəbi, Paralimpiya Komitəsi, Azərbaycan Üzgüçülük Klubu, AURA sağlamlıq Mərkəzi, FHN idman klubu, Kristal üzgüçülük klubu, Sərhədçi İdman Olimpia Kompleksi, Şua sağlamlıq mərkəzi, ÜGİM Sumqayıt, Respublika UGİM-dən yarışa qatılan idmanşılardan başqa yarışın nizamnəməsinə uyğun olaraq İran İslam Respublikasının klub üzgüçüləri də iştirak edibər.
3 gün keçirilən Azərbaycan açıq qış çempionatda Məryəm Şeyxəlizadəxangah, Ramil Vəlizadə, Rəşad Alquliyev, Vəli İsrafilov, Fatimə Alkərəmova, Əbdürrəhman Rüstəmov, Ayan Kələntərova və Nihad Yusibov fəxri kürsünün ən yüksək pillələrində yer alıblar. Sumqayıt ÜGİM-in yetirməsi olan N. Yusibov idman ustası normativini yerinə yetirib.
Yarışın sonunda qaliblər Azərbaycan Respublikası Gənclər və İdman Nazirliyi tərəfindən müvafiq diplom və xatirə hədiyyələri ilə təltif olunublar.
