"Qızıl medal qazanacağıma inanırdım" - Patimat Abakarova
"İlk rəqibim olan bolqar idmançısına qalib gəldim. Növbəti döyüşdə isə yerli taekvondoçu Svetlana İqumenovaya qarşı keçirdim”. SportLine.az xəbər verir ki, bunu azərbaycanlı taekvondoçu Patimat Abakarova deyib.
Olimpiya mükafatçımız Rusiyanın Kazan şəhərində keçirilən Avropa çempionatında bürünc medal qazanıb. O, Azərbaycan Taekvondo Federasiyasının "Facebook" səhifəsinə bildirib ki, 1/4 final mərhələsi çərçivəsində İqumenovaya görüşün çətin keçəcəyini düşünsə də, gözlədiyindən asan alınıb: “Düzünü desəm, rəqibim güclü və həm də yerli olduğuna görə qarşılaşmanın ağır keçəcəyini gözləyirdim. Amma onu məğlub etmək heç də çətin olmadı. Lakin yarımfinalda xorvatiyalı idmançıya məğlub oldum. Qızıl medal qazanacağıma inanırdım. Yenə də medalsız qalmadığıma görə sevinirəm. Məni dəstəkləyənlərə öz təşəkkürümü bildirirəm. Yarış hələ davam edir və komanda yoldaşlarıma uğurlar arzulayıram”.
