Qurban Qurbanov: "Marsel"ə qarşı layiqli oyun göstərmək istəyirik"

"Matça rahat yox, amma çox ciddi hazırlaşmışıq və yaxşı rəqibə qarşı oynayacağıq".

Sportline.az xəbər verir ki, bunu "Qarabağ"ın baş məşqçisi Qurban Qurbanov UEFA Konfrans Liqasının pley-off mərhələsinin Fransa "Marsel"i ilə səfər oyunu öncəsi Heydər Əliyev aeroportunda deyib,

50 yaşlı mütəxəssis bildirib ki, futbolçuların bu günlərdə inamlı olması üçün çalışıblar: "Biz böyümək istəyiriksə, daha inamlı olmalıyıq. Daim bunu oyunçulara demişik. Əminəm ki, bunun nəticəsini görəcəyik. "Marsel"ə qarşı layiqli oyun göstərmək və uğurlu nəticə əldə etmək istəyirik".