"Qvardiola tarixin ən yaxşı məşqçisidir"
"Mançester Siti"nin futbolçusu Cek Qriliş baş məşqçisi Xosep Qvardiola haqqında fikrini bölüşüb.
Sportline.az xəbər verir ki, ingiltərəli yarımmüdafiəçi onu ən yaxşı mütəxəssis adlandırıb.
"Bu mövsüm işlərim bəzən düz gətirməyəndə o, daim məni dəstəklədi. Çox şeyə görə məhz ona borcluyam. Qvardiola əla insan və tarixin ən yaxşı məşqçisidir", - deyə Qriliş "City Xtra"nın X sosial şəbəkəsindəki səhifəsinə bildirib.
Qeyd edək ki, Cek Qriliş 2021-ci ildən "Mançester Siti"nin formasını qoruyur.
Transfermarkt portalında onun qiyməti 65 milyon avrodur.
