Qvardiola:Məndə olan məlumata görə De Bruyne "Mançester Siti"də qalacaq
"Mançester Siti"nin baş məşqçisi Josep Qvardiola belçikalı yarımmüdafiəçi De Bruynenin komandada qalacağını açıqlayıb.
Sportline.az xəbər verir ki, 53 yaşlı mütəxəssis City Xtra-ya verdiyi müsahibədə bu fikirləri səsləndirib.
"O komandamızın ən təcrübəli futbolçularından biridir, o uzun müddətdir ki buradadır.Kevin burada olanda, heç mən komandada yox idim.O, gələcəyi ilə bağlı qərarı özü verəcək. Amma məndə olan məlumata görə,o, qalır".
Xatırladaq ki, daha əvvəl mətbuatda De Bruynenin "Əl-İttihad" klubuna keçəcəyinə dair xəbərlər yayılmışdı.Belçikalı yarımmüdafiəçi 2015-ci ildən "şəhərlilər"in heyətində çıxış edir.Bu müddət ərzində oyunçu 382 oyunda iştirak edib və 102 qol, 170 asistlə yadda qalıb.
