Rafael Varanın yeni klubu bilindi
"Mançester Yunayted" və "Real"ın sabiq futbolçusu Rafael Varanın yeni klubu müəyyənləşib.
Sportline.az xəbər verir ki, fransalı futbolçu karyerasını İtaliyada davam etdirəcək.
Tanınmış jurnalist Fabrisio Romanonun X sosial şəbəkəsində paylaşdığı məlumata görə, o, "Komo"nun formasını geyinəcək.
31 yaşlı müdafiəçinin transferinin bu həftə həll olunacağı gözlənilir.
Qeyd edək ki, iyunun 30-da onun "Mançester Yunayted"lə müqaviləsi bitib.