"Real"dan 2 rekord

"Real" ötən gün Çempionlar Liqasının qrup mərhələsinin 4-cü turunda "Şaxtyor"la heç-heçə etməklə (1:1) 2 rekorda imza atıb.

Sportline.az xəbər verir ki, komanda sözügedən qarşılaşmadan sonra xallarının sayını 10-a çatdıraraq ən azı 2-ci yeri təmin edib və avtomatik olaraq pley-off-a vəsiqə qazanıb. Nəticədə "Real" tarixində 31-ci dəfə ÇL-in pley-off-una adlayıb. Bu, rekord göstəricidir. "Real" iştirak etdiyi bütün yarışlarda qrupdan çıxan yeganə komandadır.

Həmçinin "Real" tarixdə 12-ci dəfə qrup mərhələsinin başa çatmasına 2 tur qalmış növbəti raunda vəsiqəni təmin edib. Bu da ÇL-də rekord hesab olunur. 

"Bavariya" və "Barselona" 10 dəfə, "Yuventus" isə 7 dəfə belə göstəriciyə imza atıb.