Rio-2016: Azərbaycan daha bir gümüş qazandı
Rio-2016 Yay Olimpiya Oyunlarında kanoe sprint yarışları davam edir. SportLine.az xəbər verir ki, bu növdəki təmsilçimiz - Valentin Demyanenko bu gün final mərhələsində mübarizə aparıb.
200 metr məsafəyə yarışda təsnifat və yarımfinal mərhələsini uğurla keçən idmançımız 7 kanoeçi ilə mübarizə aparıb. Finiş xəttini ikinci keçən Demyanenko gümüş medal qazanıb.
Bu, Azərbaycanın Rio-2016 Olimpiadasında 8-ci medalıdır. Olimpiya komandamızın aktivində 4 gümüş və 4 bürünc mükafat var.
