"Sumqayıt" yeni baş məşqçisini təqdim edir
"Sumqayıt"ın yeni baş məşqçisi Aleksey Baqa Azərbaycana gəlib.
Sportline.az xəbər verir ki, bu barədə klubun rəsmi saytı məlumat yayıb. 41 yaşlı belaruslu mütəxəssisin təqdimat mərasimi sabah keçiriləcək. Klub rəhbərliyi ilə mətbuat konfransında iştirak edəcək Baqa jurnalistlərin suallarını cavablandıracaq. Tədbir "Kapital Bank Arena"nın konfrans zalında təşkil olunacaq.
Xatırladaq ki, "Sumqayıt" Baqa ilə 2,5 illik müqavilə imzalayıb.
