UEFA "Qarabağ"la oyunda dubl etmiş futbolçunu fərqləndirib
UEFA Konfrans Liqasının rəsmi tviter səhifəsi növbəti dəfə "Qarabağ"la bağlı paylaşım edib.
Sportline.az xəbər verir ki, turnirin sosial şəbəkə hesabında "Marsel"in Fransada "köhlən atlar"a 3:1 hesabı ilə qalib gəldiyi pley-off mərhələsinin ilk oyununda Arkadiuş Milikin vurduğu qolların videosu yayımlanıb.
Postun üstündə isə "Arkadiuş Milik qapı qarşısında boşluq tapanda..." yazılıb.
Qeyd edək ki, "Qarabağ"la "Marsel" arasında cavab matçı fevralın 24-də Tofiq Bəhramov adına Respublika stadionunda oynanılacaq. Qarşılaşma saat 21:45-də başlayacaq.
