UWW azərbaycanlı hakimə təşəkkür edib
Dünya Güləş Birliyi (UWW) beynəlxalq dərəcəli hakimlərə təşəkkür edib.
Sportline.az xəbər verir ki, UWW bu barədə rəsmi instaqram hesabındakı paylaşımında bildirib.
10 referinin arasında azərbaycanlı Asif Şirəliyev də yer alıb. Qurum daha bir inanılmaz güləş ilini başa vurduqlarını və ədalət təmsilçilərinin hər yarışa enerji və həvəs gətirdiyini vurğulayıb.
Qeyd edək ki, Asif Şirəliyev Azərbaycanın yeganə olimpiya kateqoriyalı güləş hakimidir.
