"Vest Hem" mərakeşli futbolçunun transferi ilə bağlı "Bavariya" ilə razılığa gəlib

"Bavariya" və "Vest Hem" müdafiəçi Nussayt Mazraouinin transferi ilə bağlı razılığa gəlib.

Sportline.az xəbər verir ki, bu barədə Sky Sportsun jurnalisti Florian Plettenberq məlumat yayıb.

Transfer məbləği 15.5 milyona avro təşkil edəcək. Almaniya klubu bundan əlavə 4 milyon avro bonus da ala bilər.

"Vest Hem" 26 yaşlı futbolçunun özü ilə şifahi razılığa gəlib.

Qeyd edək ki, ötən mövsüm Münxen klubunun heyətində 19 oyun keçirən Mazraoui 3 asistə imza atıb.