Vinçenso Montella: “Futbolçularım türk ruhuyla oynadılar”

İslandiya – Türkiyə matçından sonra “ay-ulduzluların” baş məşqçisi V.Montella mətbuat konftansında jurnalistlərin suallarını cavablandırıb.

Sportline.az xəbər verir ki, italiyalı təcrübəli mütəxəssis futbolçularının çıxışından razı qaldığını dilə gətirib.

“Çox xoşbəxtdik. Komandam bu gün meydanda mükəmməl təsir bağışladı. Kenan Yıldız, Arda Güler, Kerem, İrfan Can, Hakan Çalhanoğlu hamsı əla çıxış etdilər. Əsil türk ruhuyla meydanda mübarizə apardılar. Qrupda liderik, liderdə bitirmək istəyirik”, - deyə V.Montella bildirib.

Qeyd edək ki, Türkiyə millisi səfərdə İslandiya seçməsini 4:2 hesabı ilə məğlub edib.