Yon Dal Tomasson: "Azərbaycan millisi ilə matçda da qələbə qazanmaq istəyirik"
"Sabahkı oyunda da qələbə qazanmaq istəyirik".
Sportline.az xəbər verir ki, bunu İsveç yığmasının baş məşqçisi Yon Dal Tomasson Azərbaycana qarşı keçirəcəkləri UEFA Millətlər Liqasının qrup mərhələsinin VI turunun matçından əvvəl təşkil olunan mətbuat konfransında deyib.
Mütəxəssis C Liqasının ən yaxşı komandası olmaq istədiklərini bildirib:
"DÇ-2026 üçün buradan pley-off şansı əldə edə bilərik".
O, bir neçə oyunçunun zədəli olduğunu söyləyib:
"Sabah səhər tibbi müayinədən sonra heyətlə bağlı son qərarı verəcəyik".
Qeyd edək ki, noyabrın 19-da "Strouberri Arena"da təşkil olunacaq İsveç - Azərbaycan matçı Bakı vaxtı ilə saat 23:45-də start götürəcək.
