"Yuventus"un futbolçusu karyerasını Çempionşipdə davam etdirəcək
"Yuventus"un müdafiəçisi Canluka Frabotta "Vest Bromviç"ə transfer olunub.
Sportline.az Sport24.ru-ya istinadla xəbər verir ki, 25 yaşlı futbolçu İngiltərə klubu ilə 3 illik müqavilə bağlayıb.
"Vest Bromviç" bu transfer üçün Turin klubuna heç bir məbləğ ödəməyib. Frabotta digər bir kluba transfer olunacağı təqdirdə, "Yuventus" satış məbləğini 20%-ni əldə edəcək.
Qeyd edək ki, italiyalı futbolçu ötən mövsüm icarə əsasında "Bari" və "Kosenza" klublarında çıxış edib.
