Millinin 4 futbolçusu kənarda qaldı
Azərbaycan millisinin dörd futbolçusu AVRO-2024-ün seçmə mərhələsində bu gün İsveçlə Bakıda keçiriləcək matçın “23-lüy”ündən kənarda qalıb.
Sportline.az xəbər verir ki, baş məşqçi Canni De Byazi "Zirə"dən Rüstəm Əhmədzadə, "Sumqayıt"dan Səbuhi Abdullazadə, Bolqarıstanın "Arda" klubundan Cəlal Hüseynov və "Qəbələ"dən Emil Səfərova ehtiyac duymayıb.
Qeyd edək ki, Tofiq Bəhramov adına Respublika stadionunda gerçəkləşəcək görüş saat 21:00-da start götürəcək.
Milli 6 oyundan sonra 4 xalla 4-cü, qonaqlar isə 7 xalla üçüncü pillədə qərarlaşıblar. Qrupun digər qarşılaşmasında AVRO-2024-ə vəsiqəni rəsmiləşdirən Avstriya Estoniyanın qonağı olacaq. Həmin oyun da Bakı vaxtı ilə saat 21:00-da başlanacaq.
