“Arsenal” Rafinya üçün “Barselona”ya rəsmi təklif göndərib

“Barselona”nın brazilyalı futbolçusu Rafinya “Arsenal” klubunun radarına düşüb.

Sportline.az “Fichajes” nəşrinə istinadən xəbər verir ki, “Arsenal” klubunun rəhbərliyi Rafinya üçün “Barselona”ya 75 milyon avroluq rəsmi təklif göndərib.

“Barselona” rəhbərliyi bu təklifə cavab verməyib.

“Arsenal” Rafinya transferini yanvar ayında bitirməyə çalışır.

Qeyd edək ki, Rafinyanın “Barselona” klubu ilə müqaviləsi 2027-ci ilin iyun ayınadək nəzərdə tutulub.

27 yaşlı futbolçu bu mövsüm bütün turnirlər daxil olmaqla çıxış etdiyi 17 matçda 12 qol və 8 asistlə yadda qalıb.