"Arsenal" Virtz uğrunda mübarizəyə qoşulub
"Arsenal" "Bayer 04"ün yarımmüdafiəçisi Florian Virtzin xidmətində maraqlıdır.
Sportline.az Soccer.ru-ya istinadla xəbər verir ki, "topçular" növbəti yay transfer mövsümündə 21 yaşlı futbolçu üçün Almaniya klubuna rəsmi təklif göndərəcəklər.
Leverkuzen təmsilçisi ulduz futbolçunun transfer qiymətini 150 milyon avro olaraq təyin edib.
O, bu mövsüm meydana çıxdığı 7 oyunda 6 qol vurub, 1 asist edib.
Qeyd edək ki, Almaniya millisinin futbolçusu ilə maraqlanan klublar sırasında "Real" və "Liverpul" da var.
