Avropa çempionatının son iştirakçıları müəyyənləşir
Bu gün AÇ-2020-nin pley-off mərhələsinin son 4 oyunu keçiriləcək .
Sportline.az xəbər verir ki, bununla da gələn il təşkil olunacaq finalın bütün iştirakçıları müəyyənləşəcək.
D yolunda Gürcüstan Şimali Makedoniya ilə, A yolunda Macarıstan İslandiya ilə, B yolunda Şimali İrlandiya Slovakiya ilə, C yolunda Serbiya Şotlandiya ilə üz-üzə gələcək.
Qeyd edək ki, koronavirus pandemiyası səbəbindən AÇ-2020-nin final mərhələsi 1 il sonraya təxirə salınmışdı. Seçmə mərhələdə isə çempionatın 20 iştirakçısı müəyyənləşib. Bunlar Belçika, İtaliya, İngiltərə, Almaniya, İspaniya, Ukrayna, Fransa, Polşa, İsveçrə, Xorvatiya, Niderland, Rusiya, Portuqaliya, Türkiyə, Danimarka, Avstriya, İsveç, Çexiya, Uels və Finlandiyadır.
AÇ-2020, pley-off mərhələsi
Final
12 noyabr
A yolu
23:45. Macarıstan – İslandiya
B yolu
23:45. Şimali İrlandiya – Slovakiya
C yolu
23:45. Serbiya – Şotlandiya
D yolu
21:00. Gürcüstan - Şimali Makedoniya
