Azarkeşlərin "Qarabağ" - "Sivasspor" görüşü ilə bağlı planı
Bir qrup türkiyəli azarkeş Avropa Liqasının qrup mərhələsinin IV turunun "Qarabağ" - "Sivasspor" görüşü üçün toplaşacaq.
Sportline.az xəbər verir ki, fanatlar hər iki kollektivi oyunun keçiriləcəyi İstanbul şəhərindəki "Başakşehir Fatih Terim" stadionunun önündə qarşılayacaqlar.
Azarkeşlər Ağdam təmsilçisinin qrup mərhələsinin II turunda İspaniya "Vilyarreal"ına 1:3 hesabı ilə uduzduğu görüşdə də eyni addımı atıblar.
Qeyd edək ki, oyun Bakı vaxtı ilə saat 21:55-də başlanacaq. Azərbaycan təmsilçisi ölkədəki hərbi vəziyyətlə əlaqədar ev oyunlarını neytral meydanda keçirir. Komandalar arasındakı III tur matçında "Sivasspor" öz meydanında 2:0 hesablı qələbə qazanıb.
