"Cəbrayıl" Azərbaycan çempionatının pley-offunda

Azərbaycan çempionatının I Liqasında oynamaq uğrunda pley-offun iştirakçıları bəlli olub.

Sportline.az xəbər verir ki, vəsiqə uğrunda “Difai Ağsu” və “Cəbrayıl” komandaları mübarizə aparacaq.

I Liqada mövsümün sonuna bir tur qalsa da, Ağsu təmsilçisi 9-cu yeri təmin edib. “Difai Ağsu” liqada yerini qorumaq üçün pley-offda oynamalı olacaq.

II Liqada isə gümüş mükafatçı son turda bəlli olub. “Füzuli”yə 2:1 hesabı ilə qalib gələn “Cəbrayıl” ikinci yerin sahibi kimi pley-offa vəsiqə qazanıb.

“Difai Ağsu” ilə “Cəbrayıl” arasında ilk oyun mayın 28-də keçiriləcək. Cavab oyunu isə iyunun 4-də olacaq.

Qeyd edək ki, II Liqanın çempionu “Baku Sportinq” I Liqaya birbaşa vəsiqə qazanıb.