"Barselona" "Mançester Siti"yə borcludur
"Barselona" "Mançester Siti"dən transfer etdiyi Ferran Torres üçün "şəhərlilər"ə cəmi 3 milyon avro ödəyib.
Sportline.az İspaniya mətbuatına istinadən xəbər verir ki, Kataloniya klubu 22 yaşlı yarımmüdafiəçiyə daha 52 milyon avro ödəməlidir.
"Barselona" 2021-ci il dekabrın 28-də Torreslə 5 illik müqavilə imzalayıb. Klub onu 55 milyon avro+ bonuslar qarşılığında alıb. Lakin həmin vaxt "Barselona" "Mançester Siti"yə 3 milyon avrodan başqa pul ödəməyib.
Qeyd edək ki, Torres bu mövsüm 7 oyunda 1 qol vurub və 1 qolun ötürməsini verib.
