"Barselona" yarımmüdafiəçi ilə razılaşdı

"Barselona" "Lids Yunayted"in futbolçusu Rafinya ilə razılaşıb.

Sportline.az xəbər verir ki, bu barədə goal.com məlumat yayıb. Kataloniya klubu bir neçə gün ərzində 25 yaşlı yarımmüdafiəçi ilə müqavilə imzalayacaq. "Barselona" bu keçidə görə qarşı tərəfə 72 milyon avro ödyəcək.

Rafinyanı "Çelsi" də heyətinə qatmaq istəyirdi. London klubu bir müddətdir ki, transfer üçün "Barselona" ilə mübarizə aparırdı.

Qeyd edək ki, Rafinya ötən mövsüm Premyer Liqada 35 oyunda 11 qol vurub və 3 qolun ötürməsini verib.