"Barselona"nın ulduzuna irqçi münasibət
"Barselona"nın futbolçusu Ansu Fati İspaniyada bir jurnalistin irqçi ifadəsinə məruz qalıb.
Sportline.az İspaniya mətbuatına istinadən xəbər verir ki, Çempionlar Liqasının qrup mərhələsinin 1-ci turunda "Ferentsvaroş"a 5:1 hesabı ilə qalib gəldikləri matçda 1 qol vurub və 1 qolun ötürməsini verən 17 yaşlı hücumçu ilə bağlı ABC qəzetində görüşü şərh edən jurnalist Salvador Sostres bu sözləri yazıb:
"Ansu bir ceyran kimi qaçır. Qrasia küçəsində polisdən qaçarkən su satdığını söyləyən qara uşaqlar kimi qaçır".
"Mundo Deportivo" nəşri yazıb ki, "Barselona" buna görə ABC nəşrini və jurnalisti məhkəməyə verəcək.