Bekhem Messini xarakterizə edib
"İnter Mayami"nin prezidenti Devid Bekhem komandanın hücumçusu Lionel Messi haqqında fikirlərini bölüşüb.
Sportline.az xəbər verir ki, o, argentinalı ulduzun komandaya gəlişinin ümumilikdə ABŞ futbolunun inkişafına təkan verdiyini bildirib.
"Həmişə bilirdim ki, Messinin ABŞ-a gəlişi böyük əhəmiyyət kəsb edəcək. Onun həm meydanda, həm də meydandan kənarda etdikləri bunu təsdiqləyir. Bu, yalnız qazanılan mükafatlara deyil, uşaq futbolunun inkişafına da aiddir. O, hər bir uşağa ayrıca diqqət ayrımağa çalışır", - deyə Bekhem "AS"a müsahibəsində Messinin keyfiyyətlərindən söz açıb.
