Beqoviçdən Şahruddinə dəstək

"Qarabağ"ın sabiq qapıçısı Asmir Beqoviç DÇ-2022-nin seçmə mərhələsində Portuqaliya ilə matçda inamlı çıxışı ilə seçilən millimizin qolkiperi Şahruddin Məhəmmədəliyevə dəstəyini bildirib.

Sportline.az xəbər verir ki, hazırda İngiltərənin "Bornmut" klubunda çıxış edən bosniyalı qolkiper İnstaqram səhifəsində Azərbaycan dilində "Qapının Şahı!" yazılan şəkil paylaşıb.

Xatırladaq ki, Beqoviç ötən mövsümün ilk yarısını icarə əsasında "Qarabağ"da keçirib.