"Beşiktaş" daha bir ulduzu İstanbula gətirməyə hazırlaşır
Heyətini Qabriel Paulista və Rafa Silva ilə gücləndirən "Beşiktaş" klubu daha bir transferini reallaşdırmağa yaxındır.
Sportline.az Ntvspor.net-ə istinadla xəbər verir ki, Türkiyə klubu "Atletiko Madrid"dən ayrılan Mario Hermoso ilə danışıqlara başlayıb.
Klub futbolçuya illik 3 milyon avro təklif edir, Hermosonun tələbi isə 4 milyondur.
Xəbərdə tərəflərin yaxın günlərdə görüşəcəyi bildirilir.
Qeyd edək ki, 29 yaşlı müdafiəçi ötən mövsüm La Liqada 45 oyunda 2 qol və 2 asistlə çıxış edib.