"Çelsi" "Bazel"dən 20 yaşlı futbolçunu heyətə cəlb edib

"Çelsi" "Bazel" forması geyinən 20 yaşlı futbolçu Renato Veyqanı rənglərinə bağlayıb.

Sportline.az London klubunun rəsmi saytına istinadla xəbər verir ki, gənc oyunçu ilə 7 illik müqavilə imzalanıb.

"Çelsi" bu transfer üçün "Bazel"ə 14 milyon avro ödəyib.

Veyqa 2023/024 mövsümündə İsveçrə klubu ilə çıxdığı 26 oyunda 2 qol və 1 məhsuldar ötürmə ilə yadda qalıb. 

Qeyd edək ki, Portuqaliyanın aşağı yaş komandaları ilə 19 oyunda iştirak edən yarımmüdafiəçinin aktivində 2 qol var.