Dünya çempionatının mükafat fondu açıqlandı

Boks üzrə 2024-cü ilin kişilər arasında dünya çempionatının mükafat fondu 10 milyon dollar olacaq.

Sportline.az xəbər verir ki, bunu Beynəlxalq Boks Assosiasiyasının prezidenti Umar Kremlyov deyib.

Qurumun Dubayda keçirilən konqresində çıxış edən Kremlyov həmçinin qadınların dünya çempionatının da mükafat fondunu açıqlayıb.

Onun sözlərinə görə bu yarış üçün 5 milyon dollar ayrılacaq.

Qeyd edək ki, qadınların dünya çempionatı Astanada keçiriləcək.

Kişilərin yarışının məkanı isə hələ bəlli deyil.