Ermənistan çempionatının 2 oyunu koronavirusa görə təxirə salındı

Ermənistan Premyer Liqasında IX turun "Ararat" - "Alaşkert" və "Pünik" - "Noa" oyunları təxirə salınıb.

Sportline.az yerli federasiyanın rəsmi saytına istinadən xəbər verir ki, buna qonaq komandaların heyətində koronavirusa yoluxma faktlarının aşkarlanması səbəb olub.

"Alaşkert"in 4, "Noa"nın isə 9 oyunçusunda analizin nəticəsi müsbət çıxıb.

Qeyd edək ki, daha əvvəl "Noa" - "Lori" matçı da eyni səbəbdən baş tutmayıb.